منتديات سهر الليالى مش هتقدر تغمض عيونكــــــ

منتديات سهر الليالى مش هتقدر تغمض عيونكــــــ
 
الرئيسيةالبوابةمكتبة الصورس .و .جبحـثالتسجيلدخول

شاطر | 
 

 تتجوزينى....؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
اميرة الرومانسيه
المراقب العام
المراقب العام
avatar

انثى
عدد الرسائل : 747
العمر : 32
رقم العضوية : 39
الدولة :
هواياتى :
الجنس :
تاريخ التسجيل : 14/03/2008

مُساهمةموضوع: تتجوزينى....؟   الإثنين مارس 24, 2008 9:38 am


ـ تتجوزينى..............؟


ــ أفندم....؟


بقوللك تجوزينى....؟


؟؟؟؟؟؟

تتجوزينى

ــ لا


ـ ليه

ــ بصراحة كده شكلك مش عجبنى


ــ أزاى يعنى؟


ــ يعنى ..اصل انا ليا مواصفات معينه لفارس احلامى

ــ مواصفات ايه..؟ هو انتى هتتجوزى عربيه؟

ــ لا بصراحةكده... انت مش فارس احلامى اللى باتمناه...

88888888888888888888888888888888888888888888888888 888888888888888888


ـــ تتجوزيننى...؟

ــ ايه ده؟شكلك اتغير..


ــايه رايك؟؟


ــــــ واو... شعرك بقى ناعم.. دى باروكه؟

ــ ايوة


ــ ودى عدسات خضرة...؟

ـــ ايوة


ــ واو... بس بجد بقيت وسيم .. واو اده انت بقيت شبه نيكولاس كيج

ــ مين عباس كيج ده؟


ــ عباس ؟ ياى .. ايه عباس دى ..؟ اسمه نيكولاس

ــ مين نيكولاس ده؟

بقه مالكش فى السيما وجاى تكلمنى ؟ ... ياى


88888888888888888888888888888888888888888888888888 888888888888888888

تتجوزينى..؟

ــ انت لسه ليك عين تكلمنى ؟

ــ ايوة .. انا عرفت مين بنكرياس كيج ده...

ــ اولا اسمه نيكولاس كيج...

ــ ايوة ايوة .. كنت هاقول اسمه صح.. بس اختصرته .. ده ممثل

ــ ممثل ايه؟

ممثل أمريكاوى

ــ امريكاوى؟ .. اخييبى .. اسمه اميريكان يابابا.. ما تباش دونكى

دونكى ده تبقى شتيمه؟

أوف كورررس
88888888888888888888888888888888888888888888888888 88888888888888888888


تتجوزينى ...؟

ـــ عندك عربيه موديل كام ؟

ــ موديل دى تقبى شتيمه؟

88888888888888888888888888888888888888888888888888 888888888888888888

تتجوزينى...؟

ــ قوللى الاول ... حاطط انهى نغمه فى الموبيل بتاعك؟

ــ نغمه .. دى تبقى شتيمه؟



88888888888888888888888888888888888888888888888888 88888888 888888
تتجوزينى..؟

ــ ماقلتليش ... انت بتشغل ايه؟

ــ انا بلا فخر ... عاطل
ــ عاطل ... ياى

ــ مش احسن من اللى مابيشتغلش؟

ــ لا

ــ يعنى مش هتجوزينى ؟

ــ لا

ــ كده انا ازعل


ــ ماتزعلش يابابا... خليك فريش

ــ ماشى... ماشى ... بس قوليلى

ــ أيه...؟

ــ فريش دى تبقى شتيمه ؟

88888888888888888888888888888888888888888888888888 8888888888888

ـــ تتجوزينى...؟

ــ لقيت شغل...؟

ــ أيوة طبعا.. سنتين وانا بادور .. واخيرا لقيت

ــ وايه هو...؟

ــ سواق تاكسى

ــ ياى.. مش مكسوف وانت بتقولها ؟

ــ فيها ايه؟ العمل شرف.. وكلها كام سنه واجمع مبلغ كويس

ــ شرف ... جتك القرف



88888888888888888888888888888888888888888888888888 888888888888888888888

ـــ تتجوزينى ...؟

ـــ جمعت مبلغ كويس...........؟

ــ قد ايه..؟ ايه يعنى..

الف جنيه

نعم... الف جنيه دول تروح تسرح بيهم ببطاطا

ـ يعنى موافقه؟

ــ روح اتنيل........

8_8_8_8_8_8_8_8_8_8_8_8_8_8_8_8_8_8_8_8_8_8_8_8_8_ 8_8_8_8

ــ تتجوزينى...؟

_عندك شقه....؟

_طبعا ... اوده على السطوح..........

_ نعم....

_ ايه المشكله؟... أحسن ماأنام فى الشارع

_ فى الشارع ؟ ايه الالفاظ السوقيه دى...؟

_ ياى... لازم يابا تجيب شقه
_ طيب ... كلها كام سنه واجبلك احسن شقه فى الدنيا

_ وهتجبها فى جاردن ستيى ولا فى الزمالك

_ فى الاهلى........... هيهع هيهع هيهع

"""""""""""""""""""""""""""""""""""""""""""""""""" """"""""""""""""""""""""""""""""""""""""""""""

{بعد سنوات}


_تتجوزينى..؟

_ جبت الشقه..؟

_ايوة ... الحكومه بتبنى ششق للشباب وانا اخدت شقه صحيح انها اتاخرت لسبع سنين

لكن المهم انها جت

_ فانتاستيك

_بس الشقه ناقصه حاجة..........

_ايه هى ؟

_ مفيهاش حمام

_ امشى من قدامى .. مش طايقاك

>>>>>>>>>>>>>>>>>>>>>>>>>>>>>>>>>>>>>>>>>>>>>>>> >>
_تتجوزينى؟

_انت تانى ...؟

_جبتلك حمام انما ايه.....

_ خليه ينفعك

_ليه بس ... ده ينفع لينا احنا الاتنين

_ وانا مــالى....؟

_ مش عجبك ... مش مشكله ..اكتبه باسمك
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\ \\\\\\\\\\\\\\\\\\\\\\\\\\\\\\\\\\\\\\\\\\\\\\\


{بعد سنين}

هتجوزينى ولا اولع فيكى...؟

ومالك محروق كده ليه...؟

حكايتنا طولت اوووى...طولت أكترمن لازم

اوكى .... بس ممكن اعرف حاجة..؟
ايه............؟

انت متمسك بيا اووى كده ليه..؟

أصل .... أصل

اصل انا بحبك {بضم الحاء}

بحبك ؟ ايه بحبك دى ؟ اسمها بحبك {بكسر الحاء} وبعدين خليك روش وقولILOVEYOU

ماشى ..........بس قوليلى

نعم ؟

روش دى تبقى شتيمه؟
//////////////////////////////////////////////////////////////////////////////////////////////

تتجوزينى.........؟

_ بصراحة ... فى حاجة كنت عاوز اقولها لك من زماااااااااان

ــ ايه...؟

_ انا بصراحة ... مش شايفه ان فى حد فى العالم يستاهلنى

_ ياسلاااام... ليه؟

_علشان انا جميله .. ودمى خفيف .. رشيقه .. رقيقه

_ رقيقه ؟ ده انتى بدأتى تقشفى

_فشر

_فوقى لنفسك ... العمر بيجرى

_انا مصرة على رايى

_يعنى ايه.....؟

يعنى اقطع معايا

_ بعد كل السنين دى ؟ بعد كل الحب ده؟

_ بلاش تراجيديا من فضلك

_ ماشى.... بس قبل ماامشى عاوزاسالك سؤال واحد بس

_ ايه هو..؟

_ تراجيديا دى تبقى شتيمه.؟
///////////////////////////////////////////////////////////////////////////////////////////////////

{بعد سنوات}

تتجوشتنى......؟

_ايه.....؟

_ تتجوشيييينى

_ انت مين........؟

_ انا حبيبك ياهبله... البشى النضارة عشان تشوفينى

_طيب شاعدنى عشان الاقى النضارة

_ اهى على الترابيزة قدامك

_ فين........؟

_ لا دى نضارتى انا ......

_ ايوة لاقتها......

ططيبب

_عينيكى فوق شويه... ده بقك

_ طيب لبشالى انت

_ عقبال ماالبشك الدبله

_ماتكفنيش... كنت بتقول انت ايه؟

_ كنت بقول تتجوششيييينيي..؟

_اكوشك ؟ ازاى.....؟

_ ياوليه مش تكوشينى .... ت..ت..ج..و..ش..ي..ن..ى..؟

_ ده شتيمه..؟

_ لاااااااااااااااااااااااااااء.. بقولك تتجوشينى..؟
_ اه ..؟ اجوشك....؟

_ شبنى افكر

_ أشيبك تفكرى ..ده انتى هتموتى خلاش

_ لا شيبنى افكر بش

ربنا يوفقك.....؟

ايه.....؟

_ ربنا يوفقك .....

_ بتقول ايه......؟

_ ربنا يخدك



//////////////////////////////////////////////////////////////////////////////////////////////////

{على فراش الموت}



كوح....كوح ... كوح ... مين؟

شلامتك ....ماقلتيش ليه؟

هو .... كوووح ... انتى لسه عارفة...كوح

ياوليه ... ردى عليا ... تتجوشي...كوووووح كووووح.. نى؟

ايوة ياحااااااااج ......موافقه

موافقه انك تتجوشينـ...كوووح كووح ..نى

كده اموت ...كوووح كوووح وانا ...كووح ..مطمئن ومرتاح

الوداااااااااااااا...كووح كووح... ع ع

ياحاااج ياجااح

لااااااااااااااااااااا
مات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://amera-elromancia.montadalhilal.com
سام ابومعاذ
الادارة
الادارة
avatar

عدد الرسائل : 601
العمر : 30
رقم العضوية : 1
الاوسمة :
المزاج :
الدولة :
هواياتى :
تاريخ التسجيل : 27/04/2007

مُساهمةموضوع: رد: تتجوزينى....؟   الخميس مارس 27, 2008 7:14 pm


بجد موضوع تحفه جدا جدا
شكرا على الموضوع يا اميرة وتسلم ايدك

_________________

الحـــــبـــ مــوتـــــاً ............ ســــام أبومعـــــــــــــاذ
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ellialy.meabout.com
Mr:a7med
الادارة
الادارة
avatar

ذكر
عدد الرسائل : 695
العمر : 28
رقم العضوية : 30
الاوسمة :
المزاج :
الدولة :
هواياتى :
تاريخ التسجيل : 11/03/2008

مُساهمةموضوع: رد: تتجوزينى....؟   الجمعة مارس 28, 2008 6:58 pm

ههههههههههه

هيه ديه اخرت البنات المغرورة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
تتجوزينى....؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات سهر الليالى مش هتقدر تغمض عيونكــــــ :: القسم الترفيهى :: النكت والفكاهه-
انتقل الى: