تعمل ايه لو قابلت الرخم ده وعمل معاك كده ... يا خرابى

مساء الخير جميعا

ممكن كلنا نتعرض لمواقف بايخة فى الشغل فى الشارع فى الجامعه
وبنقابل ناس بارده كتير جدا...

لكن بالبرود بتاع الراجل ده عمرى مشفت ..

لو انت اللى اتعمل فيك كده ممكن تعمل فيه ايه .. مش عارف .

نشوف كده ..

مرة واحد ماشى فى الشارع فقابل واحد تانى شكله مش على بعضه ومستعجل أوى وبيقول:

لو سمحت من فضلك قلعنى الجاكتة

فالأولانى قال له:نعم ؟

فالتانى قال: قلعنى الجاكتة بسرعة

حاضر....حاضر وراح مقلعه الجاكتة

لو سمحت بقه قلعنى الكرافتة

ايه؟

الكرافتة.....الكرافتة بسرعة

حاضر حاضر وراح مقلعه الكرافتة وهو مستغرب اوى من الراجل الغريب ده:ها ياسيدى أى خدمة تانية

آه .معلش فكلى زراير القميص

لااااا دانت زّودتها أوى ..كده تاخد برد يقلب بنزلة شعبية حادة تاخد أجلك

من فضلك فكها ....بسرعة أرجوك

افففففففف... وأدى زراير القميص خلاص فكتها... دا كان يوم ايه المهبب ده، ها أى أوامر تانية؟

أيوه قلعنى بقه القميص .. استحملنى معلشى ..

ياسيدى عيب مايصحش كده، دا احنا فى الشارع خللى عندك دم .....
أرجوك أرجوك بسرعة.....مفيش وقت .. مش قادر

دى وقعت ايه المهببة دى، أنا كان ايه اللى جابنى من الشارع ده... وادى القميص..هااااا..ايه تانى

ارسملى على ظهرى خطوط بالطول وخطوط بالعرض

حسبى الله ونعم الوكيل...انت مجنون ياراجل أنت؟؟؟؟

من فضلك....أرجوك انت مش حاسس بيا ..

رسمتلك زفت بالطول وزفت بالعرض

رقملى بقه المربعات للى اتكونت على ظهرى بالارقام من 1 الى 40

ياصبر أيوووووووووب .. بقه أنت معطلنى كل ده علشان تلعبنى سيجا على قفاك؟؟؟

بسرعة لوسمحت....ارجوك رقمهم ....من فضلك مش قادر

أدينى رقمتهم

لو سمحت بقى أهرشلى فى المربع رقم 33

هههههههههههههههههههههههه

امانه عليك لو انت مكان الراجل ده كنت عملت فيه ايه

والله يا على
انامش كانت هعمل اى حاجه من الى قال عليها
وهسيبوه وامشى

ههههههههههههههههههههه
طبعا مش هزعله وههرشله فى 33
لازم يبقى فى روح تعاون بين الناس يا اخى
ههههههههههههههه

_________________

أحــــــــزٍَان إنسـَــــــــــــــــــــــان فِ بَــــحــرٍ النسيَــــــــــــــــــــان

هههههههههههههههههههههههه دة انا لو حصلى كدة هولعلة فى المربع 33 مش ههرشلة

هههههههههههههههههههههههههههههههه حلوه

تسلم ايدك وننتظر المذيد

وانا لو حصلي كده هعمل حاجه بسيطه بس

هصوت ولم الناس عليه تنزل عليه ضرب ويبقي كده اتهرش له في كل جسمه

ههههههههههههههههههههههههههههههههههههههههههههههههههههه

_________________

يكفي أن يحبك قلب واحد لكي تعيش