اوعي تضحك لتبقى اي كلام

هالو
!!!!
هاو از ايفري بدي ؟؟

شوية نكتس انما اية اي كلام خالص
المهم اقروها يمكن تكون كلام ولا حاجة

نبدا

اضحك الاول واعمل لسانك زي الواد دا

عارف لو معملتش حخليك تيييييييييت

نبدا
زوجة صحيت من النوم في نص الليل، مالقيتش جوزها في الأوضة

خرجت تدور عليه لقيته في الصالة واقف قدام النتيجة الي ع الحيطة بيبص في التاريخ وبيعيط

بتقول له مالك يا حبيبي فيه ايه ؟

قال لها فاكرة من خمسة وعشرين سنة لما باباكي اكتشف اللي بينا وقال لي لو ما اتجوزتهاش دلوقتي انا حادخلك السجن تاخد تأبيدة ؟؟

قالت له طبعا فاكرة ودي حاجة تتنسي ؟

قا لها وهو بيعيط أهو لو كنت اتسجنت، كان زماني اخدت افراج النهاردة

كمان دي

مرة واحد ماشي في الشارع فقابل واحد تاني شكله مش على بعضه و مستعجل اوي و بيقول : ‏لو سمحت من فضلك قلعني الجاكتة

فالاولاني قال له : ‏نعم؟!!!

فالتاني قال : ‏قلعني الجاكتة بسرعة

حاضر.. ‏حاضر و راح مقلعه الجاكتة

لو سمحت بقه قلعني الكرافتة

إيه؟!!

الكرافته ..‏الكرافته بسرعة

حاضر.. ‏حاضر و راح مقلعه الكرافته و هو مستغرب اوي من الراجل الغريب ده : ‏ها يا سيدي اي خدمة تانية!!

اه .. ‏معلش فكلي زراير القميص

لااااا دانت زّودتها اوي .. ‏كده تاخد برد يقلب بنزلة شعبية حادة تاخد أجلك

من فضلك فكها .. ‏بسرعة .. ‏ارجوك

ُافففففف.. ‏وادي زراير القميص خلاص فكتها.. ‏ها أي اوامر تانية؟

أيوه قلعني بقه القميص

يا سيدي عييب .. ‏مايصحش كده , ‏د إحنا فى الشارع خللي عندك دم .. !!

أرجوك.. ‏أرجوك بسرعة.. ‏مافيش وقت

دي وقعت إيه المهببه دي, ‏أنا كان إيه إللي جابني من الشارع ده..‏وادي القميص ... ‏هاااا.. ‏إيه تاني!!

إرسملي على ظهري خطوط بالطول و خطوط بالعرض

حسبي الله و نعم الوكيل .. ‏إنت مجنون ياراجل أنت؟؟!!

من فضلك .. ‏أرجوك

رسمتلك بالطول وبالعرض

رقملي بقه المربعات إللي إتكونت على ظهري بالأرقام من 1 ‏إلي 40

يا صبر أيوووب .. ‏بقه إنت معطلني كل ده علشان تلعبني سيجه ؟!!!!

بسرعة لو سمحت .. ‏أرجوك رقمهم .. ‏من فضلك مش قادر

أديني رقمتهم...

لو سمحت بقى أهرشلي في المربع رقم 33 ‏!!!!

والشوية دول من عندي بقى
-

-واحد بلدياتنا سافر فلسطين عشان يعمل عمليه استشهاديه والاخوه الفلسطنين جهزوه بكل حاجه من المتفجرات وادوا له موبيل وراح مكان فيه اتنين اسرائليين قالهم افجر قالوا له استنى شويه اتصل تانى قالهم بقوا عشره قالوا له استنى اتصل قالهم بقوا ميه قالوا له فجر طلع السكينه وطعن نفسه.

- فار قاعد يقول كل القطط تحت جزمتى لقى قط اسود وراه قال الا ابو سمره حبيبى.

- تايه بيسأل واحد ماشى في الشارع ايه اسرع طريقه اروح بيه المستشفى ؟ قال له غمض عينك وعدى الشارع.

- مفتش دخل الفصل وسأل مين قتل كلبير أول تلميذ خاف وقال مش انا يا استاذ التانى قال والله ما اعرف حاجه وهكذا كل الفصل خرج المفتش متضايق خرج المدرس وراه وقال له يا سياده المفتش انت متاكد ان اللى قتل كلبير في الفصل ده.

- مره فيل داس على نمله قالت له ياواد ياتقيل.

- عالم جاب ذبابة وضربها وقال لها طيري، فطارت، ولما قص جناحها قال لها طيري، ما طارت

فاستنتج العالم وقال ان الذبابة اذا قصصت جناحها لا تسمعك Very Happy