بتحلم بايه.........؟

[size=18]
السلام عليكم ورحمه الله وبركاته
خطر ف بالى موضوع اليوم وحبيت نتناقش فيه سوا
اكيد لكل واحد فينا حلم نفسه يحققه لان لازم الحياه تكون ليها هدف
سواء بقى كبر الحلم ده او صغر بس اكيد نفسك تحقق حاجه
مش شرط ان تكون احلامنا كبيره ممكن اوى يكون حلمك انك تعيش احساس معين
انك تروح مكان معين انك تعمل او توصل لحاجه معينه
يمكن اللى خلانى اكتب هنا واكتب الكلام ده انى انا نفسى عندى حلم بس محدش بيشجعنى انى احققه كل الناس بتحبطنى صحيح هو حلم شخصى يعنى مش حلمى انى اغير الدنيا ولا اصلح المجتمع بس ف الاخر هو حاجه نفسى احققها
شاركونى باحلامكم وتعالوا نحلم سوا ونشجع بعض وكل واحد يكتب هو بيحلم بأيه ونفسه يعمل ايه ؟؟
[/size]

يارايت كل عضو موجود فى المنتدى يقول بيحلم بايه ويتمنى ايه

يارب الموضوع يعجبكوا

اميرة الرومانسيه

_________________

موضوووع جميل يا اميرة
اوعدك انى هنام بدرى النهارده
واحلم
واقولكم

_________________

أحــــــــزٍَان إنسـَــــــــــــــــــــــان فِ بَــــحــرٍ النسيَــــــــــــــــــــان

موضوع جميل أوى يا أميرة
أبو شاكى شكلة مش بينام عشان يحلم
أنا بأحلم أنى أخلص دراستى وأشتغل واتجوز حبيبتى
دة كل اللى باتمناه من ربنا

_________________

الحـــــبـــ مــوتـــــاً ............ ســــام أبومعـــــــــــــاذ

موضوع حلو ياميرو بجد وانتى كل مواضعيك متميزه بس انا بحلم بحجات كتير ونفسى بجد تتحقق واول حلم انى اعدى من السنه دى وان ربنا يكرمنى بواحد يقدرنى ويحافظ عليا ويخاف عليا وحلمى الاكبر انى اسافر برا

شكرا ليك يا كرازى وسام وابو شاكى

ورب كل حد يحلم بحلم يحققه ان شاء لله

_________________

يا ابو سام الى بتنام وبتحلم
مين هيه حبيبتك
مش هتكلمنا عنها ولا ايه؟

_________________

أحــــــــزٍَان إنسـَــــــــــــــــــــــان فِ بَــــحــرٍ النسيَــــــــــــــــــــان

بجد تسلم ايدك يا ايه الفكره دى لزيزه جدا اننا نعرف احلام بعض وان شاء الله كل واحد فينا بيتمنا من ربنا حاجه هاندعيله كلنا تتحقق بس انا بقول لسمسمه سفر برا ايه بس يا بنتى !! بلاش الفكره دى وانا بقى حلمى ان ربنا يكرمنى بالانسان اللى اخترته يكون شريك حياتى وبدعى بجد ربنا يحققله كل احلامه ويهدى ونربى ساجد ان شاء الله تربيه الاسلام بس

انا زى ما وعدتكو نمت والحمدلله صحيت
ونقول صباح الخير
انا حلمى بسيط جدا
شقة وعربية وسبعه &ثامانية مليون جنيه
واتجوز 4 بس هوه ده حلمى حلم بسيط جدا
ادعولى ربنا يحققهولى

_________________

أحــــــــزٍَان إنسـَــــــــــــــــــــــان فِ بَــــحــرٍ النسيَــــــــــــــــــــان

الكلام معاكم ممتع جدا ويخلى الواحد مركز فى كلامكم بجد انا كل ما افتح حاجة الاقى الموضوع بيشدنى اكتر وعلى فكرة بتحلم بايه ده انا على طول باساله لاصحابى واكيد احمد اخد باله لانى لسه سالاه

انا بقى بحلم بكام حاجة كده ويارب يتحققه : اولهم ان يبقالى وضع ومركز كويس وانى يبقى عندى خبرة فى المجال اللى انا فيه
ثانيا : الاستقرار والامان ورضا ربنا وانى اتقرب اكتر من ربنا
انا اكيد طولت عليكم معلش يارب اكون ضيفة خفيفة كل يوم

ربنا يحققك لكل واحد اللى بيحلم بيه وبيتمناه
على فكرة ابو شاكى لو حبيت واحدة بس صدقنى لو من قلبك وحب
مش هتقدر تقول غير انك مش عايز حد غيرها
ربنا يوعدك بواحدة توريك الويل والنجوم فى عز الضهر
انما الشقة والعربية والكام مليون ان شاء الله ربنا يكرمك وتتخرج و تشتغل
وتحقق الى بتحلم بيه
وعايز كمان اقول لام ساجد ان شاء الله ربنا يكرمك وتتجوزى اللى اتمنتيه وتربى ساجد على الاسلام
وكمان فلور لوف احب اقولك انك بمعاملتك مع الناس وتركيزك فى مجالك ان شاء الله تعملى مركز لنفسك ويكون عندك خبرة فى مجالك
وعايز اسأل صاحبة الموضوع الممتازة أميرة الرومانسيه وأقولك بتحلم بأيه
وكفايه كدة لانى كتبت كتير كتير كتير سلااااااااااااام

_________________

الحـــــبـــ مــوتـــــاً ............ ســــام أبومعـــــــــــــاذ

مش عارفه انا بحلم بايه
بس بتمنالكو كلكم تحققوا احلامكم
وبنسابه للسوال الى سئالوا احمد لاسام ايه مش هيعرفنها بيها
ولا ايه يا سام
وانتى كمان يا ام ساجد كلمينا على ابو ساجد شويه يعنى
نشاركمم احلامكم

مش هينفع يا لونلى انتى كدة هتقلبينا
لازم تقولى حلمك

_________________

أحــــــــزٍَان إنسـَــــــــــــــــــــــان فِ بَــــحــرٍ النسيَــــــــــــــــــــان

يارب كل واحد بيحلم بحلم يحققوا يارب

على فكرة يا احمد انت حلمك بسيط جدااااااااااا

7000000 وعربيه وشقه وتجوز 4 لا بسيطه

احمد لو سمحت اتغطى كويس وانت ناااااااااااام

بجد يا احمد بتحلم بايه ....؟

_________________

بجد انا بتكلم بجد بس طبعا مش الفلوس دى كلها
كل الى يجيبه ربنا كويس
واهم ما فى الموضوع انتى اتجوز اربعه

_________________

أحــــــــزٍَان إنسـَــــــــــــــــــــــان فِ بَــــحــرٍ النسيَــــــــــــــــــــان

ربنا يحققلك كل احلامك يا احمد وتتجوز اربعه بس انا بجد بدعيلك ربنا يكرمك بالانسانه اللى تفضل تشكر ربنا عليها طول العمر وكمان انا مع اميره ابقى اتغطى كوييييييييييييييييس وانت نايم

ميرسى على ردك

طيب انتى بقى احلامك ايه؟

_________________

انا حلمي بسيط اوي بس يارب يتحقق زوج صالح يتقي ربنا فيا وكمان قبل دا الستر والصحه وراحه البال وبدعي ربنا ميحرمنيش من اللي بحبهم ولا منكم يا احلي اعضاء
_________________

ليال حامك جميل اوووووووووى وبسيط

ورب تتحقق كل احلامك ان شاء الله

وميحرمك ابدا من الناس اللى بتحبيهم

_________________

ربنا يحققلك كل احلامك يا ليال
وانتى يا ام ساجد بتتريقى
مش ناوية تحكيلنا على ابو ساجد شوية بقى ؟
وازاى اتعرفتو وبتحبو ععض من امتى وكدة

_________________

أحــــــــزٍَان إنسـَــــــــــــــــــــــان فِ بَــــحــرٍ النسيَــــــــــــــــــــان

انتي والله اللي جميلة يا اميرة ويارب يحققلك انتي كمان كل احلامك ومرسي جدا ليك يا احمد ويارب انت كمان تحقق كل احلامك وكل الاعضاء والمسلمين اجمين
_________________

يارب يحقق لكل واحد احلامه
وشكراً على مشاركة كل الاعضاء

_________________

الحـــــبـــ مــوتـــــاً ............ ســــام أبومعـــــــــــــاذ

انا حلمى رضا ربنا عليا ورضا بابا وماما وكمان بحلم بنجاحى فى كليتى وكمان ان ربنا يكرمنى بانسان يكون كويس ومخلص ويحبنى بجد

انا نفسى اخلص كليتى وادخل فنون جميله دراسات حره
واتجوز حد يحبنى بجد ويخاف عليا
واجيب تؤام سما وبدر
وبالنسبه ليك يا استاذ احمد ان شاء الله هتلقى الى هتخليك تستغنى عن الاربعه وتكتفى بيها هى بس
وتقدر تعوضك عن الدنيا كلها مش اربعه بس

وانا حلمى يادوب على ادى

بحلم انى اربى الاولاد وافرح بيهم قبل ما اموت زى كل اب بيحلم انه يفرح باولاده
وفى النهايه بقولكم انا عندى اريج ومصطفى
يا ريت تشوفو لاريج بنتى عريس ولمصطفى ابنى عروسه
وبكدا حلمى ينتهى بسرعه على ايديكم ان شاء الله

ههههههههههههههههههههههههههههههه
_________________

بص يا ابو اريج عندى اتنين تؤام حسن وحسين زى ولادى بظبط
وبالنسبه لمصطفى عندنا بنوته هتشرف ان شاء الله شهر 12 اختهم
بس ايه عروضك بقى

هوه ليه ل واحد يدخل يعلق ع الاربعه
انا مش شايف فيها حاجة غريبة

_________________

أحــــــــزٍَان إنسـَــــــــــــــــــــــان فِ بَــــحــرٍ النسيَــــــــــــــــــــان

يارب كل احلامكم تحقق انا بقه حلمي بسيط اوي

حلمي اخد الماجستير وانشاء الله قريب
وربنا يفرحني ويعوضني باولادي خير واشوفهم في احسن المراكز
وبعدين يا احمد هو الحج متولي احسن منك في ايه
انت بس حضر 7 مليون جنيه وانا اجوزك بنتي اول وحده في الاربعه
هههههههههههههههههههههههههههههههههههههههههههههههه
هههههههههههههههههههههههههههههههه